ငါတို့ နိုင်ငံလွတ်လပ်ရေးရအောင်
ဟိုးငယ်ငယ် တက္ကသိုလ်ကျောင်းသားဘ၀ကစလို့
သူ့ဘ၀ နောက်ဆုံးအချိန်အထိ စွမ်းစွမ်းတမံ ဆောင်ရွက်ပေးသွားတဲ့
ဦးအောင်ဆန်း ဒီနေ့ဆိုရင် အသက် ၉၅ နှစ်ပြည့်ပါပြီ
အရိုင်းအစိုင်းတွေလို့ နာမည်ဆိုးနဲ့ ကြော်ကြားခဲ့တဲ့
ဂျပန်စစ်ဗိုလ်ချုပ်တွေက လေးစား ခဲ့ကြရတဲ့...
နေမ၀င်အင်ပါယာထူထောင်မယ့် စိတ်ကူးတွေအပြည့်နဲ့
အင်္ဂလိပ်စစ်ဗိုလ်ချုပ်တွေက ချီးကျူးယူရတဲ့...
ငါတို့အဖေရဲ့အကြောင်း
ငါတို့မမှီလိုက်ပေမယ့်
သမိုင်းမှာတော့ ကျန်ရစ်
ရာဇ၀င်မှာတော့ တွင်ရစ်နေခဲ့ပါတယ်
ရာဇ၀င်သမိုင်းမှာ ကျန်ရစ် တွင်ရစ်နေဆဲပါပဲ...
အထူးသဖြင့် မြန်မာနိုင်ငံကို ချစ်မြတ်နိုးကြသူအပေါင်းရဲ့
ရင်ထဲ အသည်းထဲမှာ အောင်ဆန်းဆိုတဲ့နာမည်ဟာ
နှလုံးသွေးမရပ်မချင်း လည်ပတ်စီးဆင်းနေဆဲပါ...
ငါတို့နိုင်ငံရဲ့ အတုမရှိ သူရဲကောင်း
ငါတို့နိုင်ငံရဲ့ လွတ်လပ်ရေးဗိသုကာ
ငါတို့နိုင်ငံရဲ့ အဓိပတိ
ငါတို့နိုင်ငံရဲ့ အသက်သခင်
ငါတို့နိုင်ငံရဲ့ ကျေးဇူးရှင်
မြန်မာနိုင်ငံဆိုတာ ဦးအောင်ဆန်း
ဦးအောင်ဆန်းဆိုတာ မြန်မာနိုင်ငံပါပဲလေ...
Technorati tags:
ဗိုလ်ချုပ်မွေးနေ့, ဖေဖေါ်ဝါရီ၁၃, အာဇာနည်နေ့, အာဇာနည်, ဗိုလ်ချုပ်အောင်ဆန်း, arzarni, မြန်မာအာဇာနည်, အောင်ဆန်း, february 13, Aung San, Aung Sann, General Aung San, General Aung Sann
No comments:
Post a Comment