Monday, May 25, 2009
ဖတ်ဖူးခဲ့သော ဟာသများ - ၅
မလွဲသောအမှား
အလုပ်တစ်နေရာအတွက် လူတွေ့စစ်ဆေးရာ လူငယ်တစ်ဦးအလှည့်သို့ ရောက်လာ၏။
ရွေးချယ်သူ ။ မင်းနာမည်
လူငယ် ။ မောင်လှ ပါခင်ဗျာ
ရွေးချယ်သူ ။ အထက်လူကြီးက မေးရင် "ဆရာ" ထည့်ဖြေရတယ်ကွ၊ ပြန်ပြော
လူငယ် ။ ဟုတ်ကဲ့ "ဆရာမောင်လှ" ပါခင်ဗျာ
ဖြစ်ရမယ်
မျက်နှာမသာမယာဖြင့် ကိုချူချာ အိမ်ပြန်ရောက်လာသည်။
ဦးလေးဖြစ်သူက ။ ဘာဖြစ်လာတာလဲ ချူချာ
ချူချာ ။ ရေးကူးသင်တန်းက ထုတ်ခံရလို့ဗျ
ဦးလေး ။ ဘာဖြစ်လို့လဲကွ
ချူချာ ။ ရေကန်ထဲ ရှုးပေါက်မိလို့ဗျ
ဦးလေး ။ ဟေ...သူများတွေလည်း ဒီလိုပဲ မသိမသာလေး ပေါက်နေကြတာလေ
ချူချာ ။ အဟီး......ကျွန်တော်က ဒိုင်ဗင်စင်ပေါ်ကနေ တက်ပေါက်မိလို့ပါ
ပါတော့ ပါသွားတယ်
ကျောင်းတက်ချိန် နောက်ကျမှ ကျောင်းသို့ ကျောင်းသားတစ်ယောက် ရောက်လာ၏။
ထိုအခါ အလွန်စိုးရိမ်တတ်သော ဆရာက
ဆရာ ။ ဘာဖြစ်လို့ ကျောင်းနောက်ကျတာလဲ
ကျောင်းသား ။ လမ်းမှာ ရိုက်လုတာ ခံရလို့ပါ ဆရာ
ဆရာ ။ ဖြစ်မှ ဖြစ်ရလေကွာ.....ဒါနဲ့ ဘာတွေများ ပါသွားသေးလဲ
ကျောင်းသား ။ ကျွန်တော့် အိမ်စာတွေတော့ ပါသွားတယ် ဆရာ
မဖြစ်နိင်ဘူး
စာအုပ်ဆိုင် အတွင်းသို့ လူငယ်တစ်ယောက် ၀င်လာပြီး အရောင်းဝန်ထမ်းအား မေးသည်။
လူငယ် ။ စာအုပ်လိုချင်လို့ပါဗျာ
ဝန်ထမ်း ။ ဟုတ်ကဲ့....ဘာစာအုပ်များလဲ ရှင်
လူငယ် ။ နာမည်တော့ မမှတ်မိတော့ဘူး။ စာအုပ်ရေးတဲ့ အကြောင်းအရာက
"ယောင်္ကျားတွေဟာ မိန်းမတွေအပေါ် ဘယ်လို လွှမ်းမိုးချုပ်ကိုင်ထားသလဲ" ဆိုတဲ့အကြောင်းပါ
ဝန်ထမ်း ။ ဒါဆို ညာဘက်တန်းက "စိတ်ကူးယဉ် စာပေများ" ဆိုတဲ့စင်မှာ ရှာကြည့်ပါရှင်
မှတ်ပြီလား
တစ်နေ့ လူတစ်ယောက်နေမကောင်းဖြစ်သဖြင့် ဆရာဝန်ထံသွားပြရာ......
ဆရာဝန်- ခင်ဗျားကဘာဖြစ်တာလဲ
လူနာ - ကျနော် ကိုယ်လက်မအီမသာနဲ့ အားပြတ်နေသလိုပဲဗျာ။
ဆရာဝန်- အင်း..ခင်ဗျားအစားကိုမှန်မှန်စားဗျာ
အဆီအဆိမ့်ကိုလျှော့စား
အသီးအနှံတွေ များများစားပေးဗျ
အသီးအနှံစားရင်လဲ အခွံတွေကိုချန်မထားနဲ့ဗျ
အခွံတွေကလဲအားရှိတယ်
ဒါနဲ့ ခင်ဗျားဘာသီးအကြိုက်ဆုံးလဲဗျ
ထိုအခါ လူနာဖြေလိုက်သောအဖြေကြောင့် ဆရာဝန်ဘာပြန်ပြောရမှန်းမသိ ဖြစ်သွားလေသည်။
လူနာပြောလိုက်သည်မှာကား....
လူနာ - အုန်းသီး
သူဘယ်မှာလဲ.......
ကိုလှ - ဟေး ကိုမြ
ခင်ဗျားမျက်နှာကလဲဗျာ
ရှုံ့မဲ့နေတာပဲ
ဘာဖြစ်နေတာလဲဗျ။
ကိုမြ - သွားကိုက်လို့ပါဗျာ
သွားဆရာဝန် ကောင်းကောင်းတစ်ယောက်လောက် ခင်ဗျားသိလား
နှုတ်ပစ်မလို့ အဲဒီသွားကို။
ကိုလှ - ဟာ နှုတ်ပစ်စရာမလိုပါဘူးဗျာ
ကျနော့လို လုပ်ပါလား
ဟိုနေ့က ကျနော်လဲ သွားကိုက်တာ
အဲဒါကျနော့ မိန်းမကိုခေါ်ပြီး နှုတ်ခမ်းချင်းစုပ်ပြီး နမ်းလိုက်တာ ကောင်းသွားရောဗျ
ခင်ဗျားလည်းစမ်းကြည့်ပါလား။
ကိုမြ - ဟာ...အဲဒါဆို မဆိုးဘူးဗျ
ကျနော်စမ်းကြည့်မယ်ဗျာ
ဘယ်မှာလဲ ခင်ဗျားမိန်းမ
သိနားလည်မှု
ွ
"မင်းတို့အထဲမှာ စန္ဒရားအကြောင်း ကောင်းကောင်း သိတဲ့သူ ပါသလားကွ"
"ပါပါတယ် ဆရာ
ကျွန်တော် စန္ဒရား တီးတတ်ပါတယ်
စန္ဒရားအကြောင်းကိုလည်း ကောင်းကောင်းသိပါတယ်ခင်ဗျာ"
"ဒါဆို ဒီစန္ဒရားကို ကားပေါ်တင်တဲ့အခါ မင်းက ဦးဆောင်ပြီး ဂရုစိုက် တင်ပေးစမ်းပါကွာ"
ဆိုမှဆိုတက်ပဲဟာ
"ရုပ်ရှင်ညပွဲပြီးလို့ သမီး အိမ်ပြန်လာတော့ လမ်းထိပ်မှာ အရက်မူးသမားအုပ်စုနဲ့ တွေ့တယ် မေမေ။
သူတို့က သမီးကို သီချင်းဆိုခိုင်းတယ်။
မဆိုပြရင် ဖက်နမ်းရလိမ့်မယ်လို့ ခြိမ်းခြောက်ကြတယ် မေမေ"
"အဲဒီတော့ သမီးက ဆိုပြလိုက်တယ်ပေါ့"
"ဟွန့် မေမေ သိသားနဲ့ သမီးမှ မဆိုတတ်တဲ့ဟာ"
အမွေဆက်ခံမိလို့
"ခင်ဗျား မသေသင့်ဘူးဗျ။ ဟုတ်တယ်။ တကယ်ဆို ခင်ဗျား မသေသင့်သေးဘူး"
"ဟေ့လူ မူးမူးနဲ့ အုတ်ဂူရှေ့မှာ ငိုပြီး ခင်ဗျားရဲ့ အခင်ဆုံး မိတ်ဆွေမို့လို့လား"
"ဟင့်အင်း..ကျွန်တော့်မိန်းမရဲ့ ပထမ ယောင်္ကျားပါ "
Technorati tags:
Funny, Joke, Myanmar Joke, Myanmar Funny, ဟာသ, ရီစရာ, မြန်မာဟာသ, ရီစရာ မောစရာ, အပျင်းပြေ
Subscribe to:
Post Comments (Atom)
No comments:
Post a Comment